Vafambi vakawanda vekuCape Town vakafema mushure mekunge mbavha dzaizivikanwa nekubira mabhegi (mabag) kuma bhazi dzabatwa. Zvinonzi mbavha idzi dzaishanda mumapoka, dzichinyanya kunanga vanhu vainge vakatakura mabhegi kana mafoni, zvikuru panguva dzekusvika nekubuda mumabhazi. Kwenguva yakati, vafambi vakanga vachigara mukutya, asi kubatwa kwevanofungidzirwa ava kwauya senyaya inofadza kuvanhu vakawanda.
Zviremera zvemuno zvakurudzira veruzhinji kuti varambe vakangwarira kana vachifamba, vachichengeta zvinhu zvavo pedyo uye vachireport-a zviitiko zvinofungidzirwa. Vanhu vakawanda vataura pamadandemutande vachiti chiitiko ichi chinofanirwa kushanda sechidzidzo kune vamwe vanofunga kuita mhosva dzakadai. Panguva imwecheteyo, vagari vari kukurudzira kuenderera mberi kwekuchengetedzwa kuma bhazi kuitira kuti vafambi vafambe vakasununguka uye vakachengeteka
